اشعار طنز ترکی

[ریپورتر]

ایشله‏مه، ایشله‏مه، دوقتور، کی، ایشین بیزده بیلینمز گئجه زحمت‏لری البتّه کی، گوءندوز ده بیلینمز
بیزیم البته فقط بیر دیلیمیز وار، الیمیز یوخ
ایشله‏مکدن قاچان انسان، چیخاری سؤزده بیلینمز
نئیله ییم، سن باغ اکیرسن، سو وئریب، میوه ییغیرسان؟!!
آخی زحمت لریوین، آخیری پاییزده بیلینمز
عئیبیمیز یوخدو بیزیم، چون بوءکوروک عئیبیمیز اوءستون
گر چی چوخدور، دوتوروق تئز یاماغی، دیزده بیلینمز
او قدر پوز وئریب، آلداتمیشیق، عادت کیمی اولموش
یالانی بال کیمی ایچدیکجه، گلیر، گؤزده بیلینمز
نه قدر ملا نصی سؤز دئدی، سؤز یئرده قالیبدیر
قدریوی بیلمه دی هئچ کیم، داها سن‏سیز ده بیلینمز