اورمو گولی(درياچه اورميه)
اورمو گولی
اورمو گولی ایللر بویی آغلادی
آغلاییب آخیر اوره گین داغلادی
ایندیسه هیجرینده یانان دالغادی
اورمو گولی گوز یاشیوا نه گلدی؟
بوجور یاشدا گور باشیوا نه گلدی !
اورمو گولی داده یئتن یوخدی یوخ
غم سوزونه قولاخ وئره ن یوخدی یوخ
آغلار گوزون یاشین سیله ن یوخدی یوخ
چه ن چکیلیب گوز قاشیوا نه گلدی !
بوجور یاشدا گور باشیوا نه گلدی !
اورمو گولی چایلارینی دانلاماز
سوز دمه یه خوروز کیمی بانلاماز
ساکیت یاتیب دردین ئوزگه آنلاماز
چای دا اولان سیر داشیوا نه گلدی؟
بوجور یاشدا گور باشیوا نه گلدی !
اورمو گولی سن دا کمک سسله مه
اوزاخ، یوخون چایدان مدد ایسته مه
سن اونلارین باتان یئرین ایزله مه
آرخا دوران یولداشیوا نه گلدی؟
بوجور یاشدا گور باشیوا نه گلدی !
اورمو گولون دادینه یئت سن آراز
اوزاخدی یول آمما کی گئت سن آراز
گل بو گوله بیر یاردیم ائد سن آراز
آراز چایی گور قارشیوا نه گلدی !
بوجور یاشدا گور باشیوا نه گلدی !
دوست عزیز، به سایت علمی نخبگان جوان خوش آمدید
مشاهده این پیام به این معنی است که شما در سایت عضو نیستید، لطفا در صورت تمایل جهت عضویت در سایت علمی نخبگان جوان اینجا کلیک کنید.
توجه داشته باشید، در صورتی که عضو سایت نباشید نمی توانید از تمامی امکانات و خدمات سایت استفاده کنید.
پاسخ با نقل قول
علاقه مندی ها (Bookmarks)