مقاله ی به زبان مازرونی (امیر پازواری)

[yasha.h]

امیرپازواری که " امیر مازرونی " و " شیخ العجم "معروف بی‌یه ، از گت‌ترین شوعرای مازرونی (http://mzn.wikipedia.org/wiki/%D9%85%D8%A7%D8%B2%D8%B1%D9%88%D9%86%DB%8C) هسته . متاسفانه از زمون زندگونی این شاعر ایطیلاعات جامع و دقیقی دردست دنی‌یه ؛ ولی اینتی که از شعرون وه معلومه وه کیشاورز از مردمون پازوار " منطقه ئی میون بابل و بابلسر" بی‌یه . اشعار امیر از صدا سال پیش تاالآن با آهنگ مخصوص و جذاب "امیری" بدون خوردِترین تغییری مازرون ددله بخوندسته وانه . وه به حضرت علی (ع) (http://mzn.wikipedia.org/wiki/%D8%A7%DB%8C%D9%85%D8%A7%D9%85_%D8%B9%D9%84%DB%8C) ارادت داشته و خله از آیه‌ئون قورآن (http://mzn.wikipedia.org/wiki/%D9%82%D9%88%D8%B1%D8%A2%D9%86) مجید ره عینا یا به‌شیکل دکلسته شعرون دله بیارده . اشعار امیر دِتا رج‌انه : ات دسته اونایی که گویای عشق پاک دیهاتی وه هستنه ؛ دسته دیگه شعرونی که نمودار دونستن کامل وه به قورآن و اخبار و احادیث و حکمت و فلسفه و منطق و عیرفان هسته. اشعار وه در دوجیلد به ایسم "دیوان امیر مازندرانی "در سال 1277ه .ق موطابق با 1860میلادی سن پترزبورگ (http://mzn.wikipedia.org/w/index.php?title=%D8%B3%D9%86_%D9%BE%D8%AA%D8%B1%D8 %B2%D8%A8%D9%88%D8%B1%DA%AF&action=edit&redlink=1) دله چاپ هکردنه. سال وفات امیر هم میثل زمون تولدش معلوم نی‌یه . از موندرجات تذکره‌ئون تومبی بائویم که وه امیرکلا دله بمرده و موتاسفانه قبر وه هم معلوم نی‌یه و گانّه امیرکلا ره به‌خاطر وه گنه امیرکلا (http://mzn.wikipedia.org/wiki/%D8%A7%D9%85%DB%8C%D8%B1%DA%A9%D9%84%D8%A7) و ایسم اینتا مَله امیرپازواری جه بیته بیّه.
افسانه‌ئون درمورد امیرپازواری که مازرون دله درنه

قدیمی مردمون درباره امیر پازواری گنّه وه بعد از اینکه اتا جادوئی کـَیی ره بخارده شعر بائوتن ره یاد هایته ئو قبل از اون اتا غلوم‌حلقه‌به‌گوش بی‌یه ولی بعداز شعر بائوتن ونه صاحب وه ره آزاد هکرده و وه درباره ایمام علی شعرای زیادی بائوته. بعد از اینکه شاعباس صفوی مازرون ره بیته امیر ونه همراه بورده و شاعباس ِمار(وه اتا مازرونی زنا بی‌یه) وسّه شعرون خادش ره بخوندسته و شاعباس جه مقوم بیته.
امیری

اشعاری از وه باقی بموندسته که ویشته در مدح ایمام علی بائوته بیّه. امروزه اشعار وه در قالب گونه‌ئی از آواز با ایسم یا امیری خوونی (http://mzn.wikipedia.org/w/index.php?title=%D8%A7%D9%85%DB%8C%D8%B1%DB%8C_%D8 %AE%D9%88%D9%88%D9%86%DB%8C&action=edit&redlink=1) بین مردمون مازرون ریواج دانّه.اشعار وه ویشته دو بیتی هسته و با عیبارت «امیرگته» شروء وانه و ویشته وختا به صورت سوال و جیواب شعری بیارد وانه.
پازواری در اشارت تاریخی

در هیچ یک از متون جا بموندسته از سده شیشوم تا دوازدهوم هجری نشونی از پازواری دنیه. ابّلین بار الکساندر شودزکو ایران شیناس لهستونی در سال ۱۹۸۲ میلادی از وه با ایسم شیخ‌العجم امیر پازواری ایسم بورده و چند سروده از وه ره چاپ هکرده. همینتی برنهارد درن خاور شیناس روسی با همکاری میرزا محمدشفیع بارفروشی (http://mzn.wikipedia.org/w/index.php?title=%D9%85%DB%8C%D8%B1%D8%B2%D8%A7_%D9 %85%D8%AD%D9%85%D8%AF%D8%B4%D9%81%DB%8C%D8%B9_%D8% A8%D8%A7%D8%B1%D9%81%D8%B1%D9%88%D8%B4%DB%8C&action=edit&redlink=1) سن پترزبورگ دله مجموعه‌ئی با ایسم کنزالاسرار با ترجومه فارسی چاپ هکرده. ئیران (http://mzn.wikipedia.org/wiki/%D8%A6%DB%8C%D8%B1%D8%A7%D9%86) دله هم ابلین بار رضاقلی هدایت شه بنویشته‌ئون دله به پازواری ایشاره هکرده. .