اشعار طنز ترکی

[ریپورتر]

اوغلانلار ایچینده بارک الله بیزیم اوغلان
بیر دسته قزل گول دی ماشا الله بیزیم اوغلان
هچ صنعته علم و ادبه رغبتی یوخدور
بیر درّ گرانمایه دی هیچ قیمتی یوخدور
پاکیزه بیر اوغلان دی فقط غیرتی یوخدور
جرئتده پشیک حیله ده روباه بیزیم اوغلان
اوغلانلار ایچینده بارک الله بیزیم اوغلان
مکتب ندی مذهب ندی مسلک ندی قانماز
وورّام دوگه رم هچ سوزیمه ذرّه جه قالماز
بیر گون اوتوزار بیر گون اوتار هچ ایشیم اولماز
بیر اوددی دوشوب جانیمه واه واه بیزیم اوغلان
اوغلانلار ایچینده بارک الله بیزیم اوغلان
هر دم گوره سن که یوزیمه بیر قاضیلاندی
باش ویرمرم الدن سالارام تازه جواندی
بئینی دولی قاندی هله جاهلدی ناداندی
میخانیه ده تازه تاپوپ راه بیزیم اوغلان
وردوقجا نصیحت گوره سن آغزنی اگدی
بیر سوز دیرم تز گوره سن قلبینه دگدی
بیر پارچا تکبّر، دیسن بس قوری بگدی
افلاک کمالاته اولان ماه بیزیم اوغلان
هر دم دیرم آی بالا بسدور داخی ال چک
گل منله گیداخ مسجده یا مکتبه گوچک
اوچ یاندان آتاللار یوزیمه بوللی توپورجک
گاهی آناسی گاه باجیسی گاه بیزیم اوغلان
هر بیر زادی تکمیلدی اما پولی یوخدور
بیر دایچادی افسوس بلینده چولی یوخدور
بو مرثیه مجلیسلرینه هیچ یولی یوخدور
چوخ قورخورام آخر اولا گمراه بیزیم اوغلان
ایمدی نه ادب وقتیدی بو تازه جوانین
بولمور هله کیفیّتنی یاخشی یامانین
نیلوم بابا وضعی بله دور ایمدی زمانین
اوغلانلارا نسبت گنه والله بیزیم اوغلان
گر گلسه بو بایرام دوزه لر یرمیه یاشی
منله دولانوب ایمدیه تک امر و معاشی
بیر جوت دو قلاسه بوغی بیر بوکسری باشی
باخ گور نجه اوغلاندی سن الله بیزیم اوغلان
باش قوشمارام اصلا ایله گلدی بله گیتدی
تای توشلارینان دوردی قوشولدی چوله گیتدی
میخانیه گیتدی مثلا دندله گیتدی
عیبین دوشونر ایستسه الله بیزیم اوغلان
یومیّه بونون جیره سیدور بش قوطی سیگار
هاردا قازانور هاردا چکور ایلمز اظهار
هاردا اوتورور هاردا دورور آخ نه ایشیم وار
اما دادانوب تریاکا گاه گاه بیزیم اوغلان
اوّلدن ایله خوشلامادی درس کتابی
بیلدی بو یالان علملرین یوخدی ثوابی
ایمدی تاری حفظ ایلیه جیب گیردی حسابی
هر حیله ده هر فنّده آگاه بیزیم اوغلان
آنجاق نگران قالما کریمی کفی سازدی
بیر بیله که تعریف ایلدیم بیل گنه آزدی
بیر خوش دانشان مرت ایلین مسخره بازدی
قاه قاه گنه قاه قاه گنه قاه قاه بیزیم اوغلان!
بیر دسته قزل گلدی ماشا الله بیزیم اوغلان

[ریپورتر]

سیز آللاه دئمه یین سیگاری ترک ائت
جانیمدان دا کئچسم سیگاردان کئچمم
آجیمدان سوسوزدان دؤزه رم آمما
بیر لحظه سیگارین آتیندان دوشمم!

آتادان، آنادان، آرواد- اوشاقدان
منه چوخ شیرین دیر بیر نفس سیگار
دالبادال یاندیریب قویماسان سؤنه
یوز مین دردین اولسا وورار داغیدار!

همی والیوم دور هم ضدّ سکته
هم ده اعصابین نازلی یاری دیر
جانیم اولسون قوربان آغ توستوسونه
کؤنلومون بولبولو نوباهاری دیر

گونده آلتی متیر سیگار چکیرم
گئجه یوخودادا سیگار گؤرورم
نئیلیم من ده اونا عاشق اولموشام
اوزاقدان آدینا سلام وئریرم

ائله توو وئریرم ائله سورورام
آز قالیر بیر دفعه نفسیم باتا
قارنیم، باغیرساغیم ،اثنی عشریم
قوزانیر آز قالیر آغزیما چاتا!

اوچ گون ترکیتمیشدیم ووردوم آروادین-
باشین دان داش ایله، اوزاندی یئره
اوشاقلار چیغیردی: وای ننه م اولدو!
قونشولار آپاردی اونو دکتره

سیگارسیز قالاندا علی یولداشیم
بیر دنه زر سیگار تئز منه آلیر
بئینیم نشئه سین دن بیلمیر نئینه سین
گاه بالابان چالیر گاه زیرنا چالیر

میغ-میغا عقیرب بیت-بیره، ایلان
هانسی منی چالسا اوزو جان وئره ر
بیلمیره م قانیمدا نه خاصیت وار
چوخ آز بختورلر بئله قان گورر

بیرگون بیر قیرمزی افعی بیر ایلان
آیاقلاریم دوندو قیچیمی چالدی
فیرلاندی باشینا هئی چابالادی
منی چالدی اوزو دالی اوسته قالدی

سیگار دستور وئریر ایلده ایکی یول
نقاشلار آغاردیر اوتاقلاریمی
ائوده نه گول بیتیر نه گولدان قالیر
آرواد هئی چکیری قولاقلاریمی!

ائله بیل سلقه لی خینا قویموشام
دیلیمه دیشیمه دوداقلاریما
بورنومون توکونه بیغ-ساققالیما
کیپریک قاشلاریما یاناقلاریما
*
او کیمدیر کی دئییر ترک ائتمک اولماز
مگر سیگار چکن سیگارسیز دؤزر
غیرت داماریندا ذرّه قان اولسا
جوانمرد اراده پولادی ازر...

[ریپورتر]

سؤزلرین وار حسابی یازیب دولدور کتابی
"شامی" سؤزو آت یئره گؤتوره جک صاحابی
*
شعریمه باخ آی کیشی یامسیلاما بو ایشی
اؤردک جرجنک اولار یئریسه قاز یئریشی
*
ائشید آنان سؤزونو دئییب سؤزون دوزونو
وای اوگون کی آدامین ایتی قاپا اؤزونو!
*
هارای عفریت الین دن بو لات و لوت الین دن
سوموک گمیرمک اولمور کوچه ده ایت الین دن!

[ریپورتر]

دؤرد دفعه باس گونده یئره کلبه عبّاس دابانی یین
لعابی قوی هی داغیلا هر طرفه چیبانی یین
بودلاریوا صبح و گئجه بوغدا دؤیوب پیشیر دؤشه
قویما ده‌یه هر طرفه، چیخارتگینان تومانی یین!
توپپوقوی سیغارلا هی، صوبح و ناهار و وخ به وخ
جفایه باسگینان بیر آز بیر نئچه گونده جانی یین
یاپیشگینان دووارلارا دور ائوی لا اقل دولان
ترپه شه بیلمه سن اگر سانجی کسه‌ر آمانی یین
بیرده آغیرسا آیاغین دورما آماندی نیمه شب
کلبه طاووس اوندا کسه‌ر مشققتیله یانی یین!
قولتوق آغاجلارین گتیر دور حیاطی بوتون دولان
دامارلارین ترپه شه قوی صافالدا بیر ده قانی یین
گاه دئییسن دورون گئدین بیر ده‌نه دوختور گتیرین
گاه دئییسن دور گئت بالا باغلاگینان توکانی یین
ایاغین ساغ اولان زامان نوودانین ایشلردی یقین
ایندی سنی اوزاق گؤروب یاغیش یئخیب دالانی یین
یاتما دور بیر حیاطه باخ یاغیش سویو موجله نیر
آپاردی بو آخار سولار هر طرفه سامانی یین
بیرده ازل کی سؤزومو دئییب دا مشدی گئدیره‌م
دؤرد دفعه باس گونده یئره کلبه عبّاس دابانی یین!

[ریپورتر]

تازا مود!
تازا موددی بعضی جاوان
چیگنی اوسته تئل اوینادیر
دده دئییر گئت اصلاحا
دوداق بوزوز دیل اوینادیر

قاشلارینی آلدیرالی
یاناقینا قویور خالی
هئچ قیزلاردان قالمیر دالی
عشوه ساتیر فئل اوینادیر

تکمیل ائلیر آرایشی
ارکک دؤنوب اولور دیشی
سئومه سه ده او ورزشی
گیزلینده گاه میل اوینادیر

اوغلان دئمه چون عکسی دی
یا حشیشی یا اکسی دی
پارتی لارین خوش رقصی دی
بیریک وورور بئل اوینادیر

قیزدا سئویر پیس پبس هله
گونده بیرین سالیر اله
قاش گؤز آتیر گوله-گوله
اوز تایی بیر خُل اوینادیر

اگنینده بیر قیز کؤینگی
گؤزده قارا شیک عینکی
دویونجا تاپمیر چوره گی
الده (ایرانسل) اوینادیر!

دیپلم آلیب قالیب بئکار
بوللو هنر الینده وار
افیون،چاخیر بیرده سیغار
اؤز باشیندا کول اوینادیر

بعضی جوان نه دن قالمیر
اوز اوزون ده ن هئچ اوتانمیر
اوز حالینا اوزو یانمیر
عؤمور اوسته یئل اوینادیر

[ریپورتر]

ای سئوگیلیم نه دن دی کوسوبسن؟ نه دن تویوق؟
آیریلما کوسمه سن منی گر ایسته سن تویوق
قوربان اولوم گؤزه ل دده یین گول جمالینا
نامهربانلیق ائیله مه یانسین ننه ن تویوق
ناز ائیله مه منه بو قه در نازنین صنم!
نرخی آپارما اوسته منی ایسته سن تویوق
بیلدیم سنه گونوز یئتیشه نمم قاچارگی سان
گل بیر گئجه یوخوما تر بدن تویوق
اولدوم تامارزی آغ بودویان، سئفرالار گولو
اوندان که گئیدی گول بدنون آغ کفن تویوق
دولتلی لر سنین سینه یین اویله سؤکدولر
سولدو کاسیبلارین چاناغی غصّه دن تویوق
قوی بویله دؤشله سین سنی ارباب ناقلا
تا قالماسین رعیّت اوچون بیر تیکن تویوق
بیر گون گلر سنین بودویون من ده چئینه ره م
بیر حاجی گلسه کوچه میزه مکّه دن تویوق
سالما منی نظردن آماندیر جانیم چیخار
سن سیز نه بزم اولار نه ده کی انجمن تویوق
گول دن آغیر دئدین میه، من دن قیریلمی سان
وصفونده مین دهن دئمیشم، یئر دئشن تویوق!
بیر بویله ناز و غمزه و بیر بویله قهر و کین
بوندان بئله نه سن داها بالله نه من تویوق
بیچاره اهل درد دی «موغان» درده باخ بو گون
گیریدن بو دردلی دفترینه سنده ، سن تویوق...

[ریپورتر]

«الا، يا ايها‌الساقي، ادر كأسا و نا وِل‌»‌لر!
گئنه بايرام گليب، گئتدي، اوره‌كده قالدي نيسگيل‌لر
هجوم ائتدي ائوه هر دؤرد طرفدن لشكرِ اعدا
تهاجم‌دن‌ ده چوْخ ووردو خسارت بو تناول‌لر
سوْكولدو آلمانين بؤيرو، دليندي پوْرتاغال باغري
كسيلدي آرمودون نسلي، جهاندان كؤچدو آجيل‌لر
تالاندي خوانِ يغما تك ميز اوسته مئيوه- شيريني
صليبي‌لر كيمي بسكي ائديب حمله بو فاميل‌لر
گؤرنده آجيلي، رحم ائتمير اصلا بو قوْهوم- قارداش
خداوندا! بو «هابيل»‌لر، نه‌دن اوْلموشدو «قابيل»‌لر؟!
بير آي بايرامه قالميش، بسكي عرشه قالخدي قيمت‌لر
بازاردان بوْش قاييتدي سر به سربيچاره زنبيل‌لر
نئجه جمعيتي ائتسين بو حالدا كنترل انسان؟
مخارجلر! بئله گئتسه، اينان، جوت- جوت دوْغار فيل‌لر
مخارج‌ آتلي، آيليق‌لار پياده، يوْل يوْخوش، ياران
بو اوضاعين بيانيندا قاليب عاجز بوتون ديل‌لر
بو خرجين عُهده‌سيندن هئچ گَلَنمز يوْخسول- آيليقچي
مگر ديمديكلريندن ياغديرا مينليك، ابابيل‌لر
تعجب ائتمه گر من سالميرام سس، ائتميرم ناله
منيم بختيم ائله ياتميش، اوْيالدانماز صرافيل‌لر

[ریپورتر]

ای فعله وجودین اولاجاق فانی داریخما **ویر باشه بو دنیانی مشقتله داریخماکس صبحدن عصر کیمی میدانی داریخما ** ایش اولمسا قوی گل دیمه هذیانی داریخما
***اج قالما ساتوب خرج ایله یورقانی داریخما ***
خوشدور هوا اوستونده لحاف اولمسا نیلر** التوندا پلاس پاردی صاف اولمسا نیلر
اگنونده خوتون خارجه باف اولمسا نیلر ** گی اکنوه بیر جندا جلیقانی داریخما
گر یوخدی دامون ایلمه الله کلایه ** شه زیر زمین بسدی ایله کرایه
شیشه روماتسم اولسا قچون گلمه نوایه ** دکتر سنه گر باخمسا مجانی داریخما
قویما تاپا یول صبریوه شیطانی داریخما ** سال خاطریوه عالم عقبانی داریخما
بیر عمر قالور قوی پولا حسرت قالا جیبون ** بش مرتبه داملاردا سنون یوخدی نصیبون
لوت گز کیفه باخ پاداسین عالمده رقیبون**باس قابلامیا گوجه بادمجانی داریخما
***دولتلیه ویر جوجه بریانی داریخما***
بیر عمر که فانیدی ریاست نیه لازم ** جاه عظمت مدرن عمارت نیه لازم
دنیادن اتور بخل و حسادت نیه لازم ** تحتانیده یات ایستمه فورقانی داریخما
بو شوخ ممه قیزلار سنه گر اولمادی قسمت ** قالدون گوزلیم بو بت رعنالر حسرت
ال قوینووابیر اللی یاشندا قاری عورت ** باس باغریوا بیر غول بیابانی داریخما
***ترک ایله خیال رخ جانانی داریخما***
سن چخما خیابانه بو جیرانلارا باخما ** بلواردا گزن جانکیمی جانانلارا باخما
ات باشوی یات گزمه خیابانی داریخما ** سن ایستمه بو سیر و تماشانی داریخما
یاد ایلمه اصلان عسل و شیر شکردن ** بریان دل و قلوه جگر ایت اه شرردن
بیر عمر مربا یگلن خون جگردن ** گوز یاشی شرابوندی ایچ ایرانی داریخما
دنیاده اوغول رنج و مشقت کاسبوندی ** نابوس و حیا دین دیانت کاسبوندی
اولده قضا یازدی بو طغرانی داریخما ** دولتلیه راحت سنه افغانی داریخما
شیطان الار ایمانوی نامحرمه باخما ** گوردونکه خیابان دولوسی شوخ مه مه باخما
سن فعله سن اوغلوم غملن اول دمه باخما **حوری ورجاقلارسنه مجانی داریخما
*** دردسرس یوخ لذت طوفانی داریخما***

[ریپورتر]

ای دولار، ای جان ناقابل سنه قوربان اولار...
گؤرمگین گئندن بو گوءن هر دردیمه درمان اولار
کیم دئییب پولدان عزیزدیر جان ناقابل منه
کیم دئییبدیر پوللو انسانلاردا بی ایمان اولار
پول منه عزّت وئرر، پولدور بیزی انسانلادان
کیمسه ده پول یوخدو اوندان بس هاچان انسان اولار
وصلینه هر کیم کی چاتدی، عیش و نوش ائتمکده دیر
بینوا سن سیزلرین هر گوءن، غذاسی قان اولار
ای کی هر گؤرمز گؤزه سندن گلیر نور و ضیا
اولماسان گؤرمز جهان اهلین گؤزوم، گریان اولار
اولماسان ای جان گرک من پوللویا قوربان اولام
یاریم اولسان مین نفر پولسوز منه قوربان اولار
گر کی من بیچاره لردن جیب سویوب پول ییغمیشام
عئیبی یوخدور، چون اونون بیر ذره سی احسان اولار
هر گئجه دعوت یازیب بیر عدّه نین شامین وئریم
هر گئجه بیر عدّه یالتاقلار منه مهمان اولار...


- - - به روز رسانی شده - - -

شعر اهلینه عؤمر ائتمک اوچون قایدا دئمزلر
شاعر اگر اؤلسه اونا هئچ وای دا دئمزلر
توی توتسا اگر عؤمر آراسی، بیر گوءنو شاعر
عالم سوساجاق بیر گوءنو، نای نای دا دئمزلر
شاعر دئمیرم، عقلی اولان کیمسه لر البت
سئل‏لر آخاراق، سؤزلرینی چایدا دئمزلر
یای فصلی دئییر غملی اوءرک، قارلی کوءلکدن
بیلمیر آخی هئچ، قیش سؤزونو یایدا دئمزلر
ایستردی نصی شعر اوخوسون بیر گوءن او تایدا
بیلدی آدی ایتمیش هر ایکی تای دا دئمزلر
البتّه کی، وبلاگی ده گر باغلاسا شاعر
شعرین اوخویانلار اونا بای بای دا دئمزلر

[ریپورتر]

ایشله‏مه، ایشله‏مه، دوقتور، کی، ایشین بیزده بیلینمز گئجه زحمت‏لری البتّه کی، گوءندوز ده بیلینمز
بیزیم البته فقط بیر دیلیمیز وار، الیمیز یوخ
ایشله‏مکدن قاچان انسان، چیخاری سؤزده بیلینمز
نئیله ییم، سن باغ اکیرسن، سو وئریب، میوه ییغیرسان؟!!
آخی زحمت لریوین، آخیری پاییزده بیلینمز
عئیبیمیز یوخدو بیزیم، چون بوءکوروک عئیبیمیز اوءستون
گر چی چوخدور، دوتوروق تئز یاماغی، دیزده بیلینمز
او قدر پوز وئریب، آلداتمیشیق، عادت کیمی اولموش
یالانی بال کیمی ایچدیکجه، گلیر، گؤزده بیلینمز
نه قدر ملا نصی سؤز دئدی، سؤز یئرده قالیبدیر
قدریوی بیلمه دی هئچ کیم، داها سن‏سیز ده بیلینمز