توجه ! این یک نسخه آرشیو شده میباشد و در این حالت شما عکسی را مشاهده نمیکنید برای مشاهده کامل متن و عکسها بر روی لینک مقابل کلیک کنید : آذربايجان(شعر)
پیمان هادی فرکوش
24th July 2012, 11:37 AM
آذربايجان (http://www.azarbaycanim.blogfa.com/post-14.aspx)
قسمت اول:
سن آذربايجان سؤيله نه چون آذر به جان اولدون
اونوتدون اؤز درين دردين، يادين دردين آلان اولدون
چتين گونلرده ايرانين بلاسيندا يانان اولدون
وئريب ائولاديني قربان، اؤزون يالقيز قالان اولدون
ياشيل يوردوم باهار ايکن نه ده ن سولدون خزان اولدون
کئچن يوز ايلده يوزلر يول دؤيوشدون مين يارا گؤردون
داياندين ، سينمادين دؤزدون، وفا ائتدين جفا گؤردون
کيمين چکدين بلاسين سن همان يئرده ن بلا گؤردون
سويولدون، پاي بؤلوش اولدون ياد اللرله تالان اولدون
سن آذربايجان سؤيله نه چون آذر به جان اولدون
دؤيوشدون ، دوشمنه غالب گليب مشروطه ني آلدين
قيز، اوغلان قهرمانلارلا آدين ديلده ن ديله سالدين
سونوندا يادلارا اويدون، الي بوش چاره سيز قالدين
بوتون ايرانه باش اولدون اؤزون باشسيز قالان اولدون
سن آذربايجان سؤيله نه چون آذر به جان اولدون
ايگرد ستاريوين قبري اياق آلتيندا غربتده
آدي سردار ملي دير ولي بوش سؤزده صحبتده
وطن قوينوندا ياتسايدي ياشاردي اوج عزّتده
ايناندين فتنه کار يادي اؤزون قبرين قازان اولدون
سن آذربايجان سؤيله نه چون آذر به جان اولدون
ائديبدير پاي بؤلوش مرکز سنين پايين اولوبدور چول
مين ايللر شاه اولساندا، ديلين باغلي اولوبسان قول
نه يين يوخدور دئيم، يوخدور، قوي اولسون ائللرين يوخسول
دويوردون اؤزگه لر قارنين ائوينده آج ياتان اولدون
سن آذربايجان سؤيله نه چون آذر به جان اولدون
سن اؤز فکرينده اولسايدين، بو گون بو گونده اولمازدين
وفا سيز يادلارا خاطر، اؤزون مين درده سالمازدين
کويرين کندلري آباد، سن ويرانه قالمازدين
گلنده هر جفا تيري بيرينجي سن نشان اولدون
سن آذربايجان سؤيله نه چون آذر به جان اولدون
غازان خانلار سراييدين قوجا شرقين چراغيدين
نظاميلر، فضوليلر، هنر علمين اوجاغيدين
تمّدونله ترّّّ قيله بيرينجي سن اياغيدين
يادا وئردين کهر آتين، اؤزون آخسار چاپان اولدون
سن آذربايجان سؤيله نه چون آذر به جان اولدون
گووه ن ائولادينا آنجاق، اؤزون قيل دردينه چاره
کؤنول وئرمه شکر ديللي، هر آن اويناشلي ديلداره
فيريلداقدير دئسه هر نه بوراخ گئتسين اوزو قاره
جانين قويدون سؤزون اوسته بو يولدا امتحان اولدون
سن آذربايجان سؤيله نه چون آذر به جان اولدون
پريشان سئوگيلي يوردوم سنه قوربان سئوه ن جانيم
توکنمز وارليغيم سن سن، سنينله وار آديم سانيم
اؤزون چون بير اؤزون گوستر، ديريلسين شهرتيم شانيم
گلر آزادليغين عطري او گون کي سن عيان اولدون
سن آذربايجان بيرده بو خير ايشده گمان اولدون
h.khakpour
24th July 2012, 06:02 PM
سلام شعر زیبایی بود لطف کنین اسم شاعر رو هم بگین.
پیمان هادی فرکوش
24th July 2012, 08:54 PM
سلام شعر زیبایی بود لطف کنین اسم شاعر رو هم بگین.
سلام
دوست عزيز شاعرش اقاي اسماعیل جمیلی است.
مختصر در مورد اسماعیل جمیلی
اسماعیل جمیلی متولد تبریز و از بچه محل های امیره قیز است. او 54 سال دارد . سالها پیش به اروپا مهاجرت کرده و اکنون حدود ده سالی است که مقیم کالیفرنیاست. کتاب تبریزلی صائب چئوریرمه لری به ترجمه وی با مقدمه مرحوم استاد فرزانه ، در شهر تبریز به چاپ رسیده است. مجموعه غزل هایش در باکو آماده نشر است.
مقاله ها و اشعار اسماعیل جمیلی در نشریه های وارلیق و تریبون و همچینین نشریه های آذربایجانی به چاپ می رسد.
او معتقد است ازادی بر پایه دو موضوع اصلی استوار است . یکی احقاق حق مسلم زنان و دیگری احقاق حقوق ملی تمامی انسانها
پیمان هادی فرکوش
5th August 2012, 11:18 AM
قسمت دوم :
بير آنانين بالاسيييق
عؤمور بويو قالاسيييق
آناميزدير آذربايجان
ياشيل داغلار لالاسيييق
تورپاغيميز قيزيل، زردي
بؤيوك آديميز آذردير
بير يانيميز مينگؤلداغدير
بير يانيميز گؤي خزردير
گؤرمهليدير يايي، يازی
باشدا آخان خان آرازی
گؤزهلليگين ديله ساليب
آشيقلارين تئللي سازی
غربي دئديك بيز سولونا
شرقي دئديك ساغ قولونا
زنجانلا اردبيل بيردير
گئتسهلرده اؤز يولونا
هامي بير ائل، هامي بير آد
يوخدور بوردا بيركيمسه ياد
بيري باشدير، بيري آياق
بيري قولدور، بيري قاناد
اورميه، اردبيل، زنجان
تبريز، بؤيوك آذربايجان
آذربايجان، آذربايجان
پیمان هادی فرکوش
10th August 2012, 01:09 PM
قسمت سوم:
کؤنولوم قوشو قاناد چالماز سنسیز بیرآن، آذربایجان،
خوش گونلرین گئتمیر مودام خیالیمدان، آذربایجان.
سندن اوزاق دوشسم ده من عشقین ایله یاشاییرام،
یارالانمیش قلبیم کيمى، قلبی ویران آذربایجان.
بوتون دونیا بیلیر سنین قودرتینله، دؤولتینله
آباد اولوب، آزاد اولوب مولکی ایران، آذربایجان.
بیسوتونی اینقیلابدا، شیرین- وطن اوچون فرهاد
کولونگ وورموش اؤز باشینا، زامان- زامان، آذربایجان.
وطن عشقی مکتبینده جان وئرمگی اؤیرنمیشیک،
اوستادیمیز دئییب هئچدیر وطنسیز جان، آذربایجان.
قورتارماق چون ظالیملرین الیندن رئی شومشادینی،
اؤز شومشادین باشدان- باشا اولوب آل قان، آذربایجان.
یارب، ندیر بیر بو قدر اورکلری قان ائتمگین،
قولوباغلی قالاجاقدیر نه واختاجان آذربایجان؟
ایگیدلرین ایران اوچون شهید اولوب، عوضینه
درد آلمیسان، غم آلمیسان سن ایراندان، آذربایجان.
اؤولادلارین نه واختا دک ترکی- وطن اولاجاقدیر؟
ال- اله وئر، عیصیان ائله، اویان، اویان، آذربایجان.
بسدی فراق اودلاریندان کول الندی باشیمیزا،
دور آیاغا، یا آزاد اول، یا تامام یان، آذربایجان.
شهریارین اورییده سنین کی تک یارالیدیر،
آزادلیق دیر منه ملحم، سنه درمان، آذربایجان.
استاد شهريار
پیمان هادی فرکوش
23rd August 2012, 12:03 AM
جوشغون چایلاری وار سرین سولاری
گول چیچکلی باغی آذربایجاندی
تورپاغی مرجاندی ، یاقوت داشلاری
حیالی قیزلاری قلم قاشلاری
گوزل پیشمیش لری دادلی آشلاری
آنالار قوجاغی آذر بایجاندی
واردیر بیر تاریخی دونیا تک قوجا
دومانلی داغلاری داغلاردان اوجا
دوشمن قاباغیندا شوجاع دان ،شوجاع
ایگیدلر اویلاغی آذر بایجاندی
اولکه لر ایچینده گوزل آدی وار
یاخشی مئیوه لری شیرین دادی وار
یالان دئییل دئسم هر بیر زادی وار
نئعمت لر بولاغی آذر بایجاندی
هونر لر یارادان تاردا کماندا
دونیا یا فخر ائدن شوهرت ده ،شاندا
دوروملوق گوسترن چنده ، دوماندا
اسلانلار یاتاغی آذر بایجاندی
باخچالاری بارلی داغلاری قارلی
جومرد ایگیدلری شسلی ، ووقارلی
کونول لری آلچاق سوفره سی وارلی
معرفت اوجاغی آذر بایجاندی
ظولمه باش ایمه ین اسلان تک دوران
مردانه ساواشان مردانه ووران
ائستبدادی ییخان عئدالت قوران
ستتار خان سایاغی آذر بایجاندی
سهندی ، میشووی ، ساوالانی وار
تاری ، کمانچاسی ، بالابانی وار
(دوزه قول) دئیه جک نقدر جانی وار
هونرلر بولاغی آذر بایجاندی
پیمان هادی فرکوش
22nd September 2012, 11:01 PM
قسمت پنجم:
چوخ كئچمیشه م بو داغلاردان
دورنا گوزلی بولاقلاردان
ائشیتمیشه م اوزاقلاردان
ساكت آخان آرازلاری
سینامیشام دوستی یاری
ائل بیلیر كی سن منیم سن
یوردوم یووام مسكنیم سن
دئمه ك دوغما وطنیم سن
آیریلارمی كونول جاندان
آذربایجان، آذربایجان
آذربایجان، آذربایجان
چوخ كئچمیشه م بو داغلاردان
دورنا گوزلی بولاقلاردان
ائشیتمیشه م اوزاقلاردان
ساكت آخان آرازلاری
سینامیشام دوستی یاری
ائل بیلیر كی سن منیم سن
یوردوم یووام مسكنیم سن
دئمه ك دوغما وطنیم سن
آیریلارمی كونول جاندان
آذربایجان، آذربایجان
من بیر اوشاق، سن بیر آنا
اودور كی باغلی یام سانا
هانكی سمته، هانكی یانا
هی اوچسامدا یووام سن سن
ائلیم، گونوم، اوبام سن سن
فقط سندن گن دوشنده
آیریلیق مندن دوشنده
ساچلاریما دن دوشنده
بوغاز آیلار، ایللر منی
قیناماسین ائللر منی
داغلارینین باشی قاردیر
آغ اورپه گین بولوتلاردیر
بویوك بیر كئچمیشین واردیر
بیلینمه ییر یاشین سنین
نه لر چكمیش باشین سنین
دوشدون اوغورسوز دیللره
نحس آیلارا، نحس ایللره
نسللردن نسللره
كئچن بیر شهرتین واردیر
اوغلون قیزین بختیاردیر
هی باخیرام بو دوزلره
آلا گوزلی گوندوزلره
قارا خاللی آغ اوزلره
كونول ایستر شعر یازا
گنجله شیرم یازا یازا
بیر طرفین بحر خزر
یاشیل باش سونالار گزر
خیالیم دولانار، گزر
گاه موغانی، گاه ایلداری
منزل اوزاق، عمریم یاری
سیرا داغلار گن دره لر
اوره ك آچان منظره لر
جیران قاچار، جویور مه لر
نه چوخدور اویلاغین سنین
آرانین، یایلاغین سنین
كئچ بو داغدان بو آراندان
آستارادان لنكراندان
آفریقادان هندوستاندان
قوناق گلیر بیزه قوشلار
ظلم الیندن قورتولموشلار
بو یئرلرده لیمون ساری
اگیر، سالیر بو داقلاری
داغلارینتین دوم آغ قاری
یارانمیشدیر قارلی قیشدان
بیر سنگردیر یارانیشدان
لنكرانین گولی رنگ رنگ
یوردوموزون قیزلاری تك
دمله چایی، توك وئر گورك
آنامین دلبر گلینی
یادلارا آچما الینی
ساری سنبل بیزیم چورك
پامبیغیمیز چیچك- چیچك
هر اوزومدن بیر شیره چك
سحر- سحر آج قارینا
قوت اولسون قوللارینا
مین قازاخدا كوهلن آتا
یالمانینا یاتا- یاتا
آت قان تره باتا- باتا
گوی یایلاقلار بئلینه قالخ
كپه ز داغدان گوی گوله باخ
ای آزاد گون، آزاد انسان
دویونجا ایچ بو بهاردان
بیزیم خاللی خالچالاردان
سر چنار كولگه سینه
آلقیش گونش اولكه سینه
كونلوم گئچیر قارا باغدان
گاه بو داغدان گاه او داغدان
أخشام اوستی قوی اوزاقدان
هاوالانسین خانین سسی
قاراباغین شكسته سی
گوزل وطن معنان درین
بئشیگیسن گوزللرین
عاشق دییه ر، سرین- سرین
سن گونشین قوجاغیسان
شعر، صنعت اوجاقیسان
اولمز كونول ، اولمز اثر
نظامی لر، فضولی لر
الین قلم، سینه ن دفتر
دئه، گلسین هرنه یین واردیر
دئییلن سوز یادگاردیر
بیر دون بیزیم باكی یه باخ
ساحیللری چیراغ- چیراغ
بوروقلارین هایقیراراق
نعره چالیر بوز چوللره
ایشیقلانیر هر داغ دره
نازلادیقجا سرین كولك
ساخللره سینه گرك
بیزیم باكی، بیزیم اوره ك
ایشیقدادیر قوت سوزی
سحرلرین اولكر گوزی
گوزل وطن او گون كی سن
آل بایراقلی بیر سحردن
الهام آلدین، یاراندیم من
گولور توپراغ، گولور انسان
قوجا شرقین قاپو سو سان
نغمه لریم سرین – سرین
عاشقی یم بو گونلرین
آتامیز شانلی رهبرین
گنجلیگی سویله نیر بوردا
حیات وئرمیش بیزیم یوردا
دینله منی، گوزل وطن
بیر سوز گلیر اورگیمدن
خلقیمیزین عشقیله سن
گوله جكسن هر بیر زمان
آذربایجان، آذربایجان
پیمان هادی فرکوش
2nd October 2012, 07:47 PM
قسمت ششم
آذربـايـجان گـوزل،گـوزل باغـــلار يـــن
سـنيـن قـوخـماز اوجـا اوجـا داغــلار يـــن
بــيرده گــورم سـنين اييـي چـاغــلاريـــن
ستارخانلارچيخسين باشين اوجالسين
ايللر اوتسون تمدونون قوجا لـسيـن
آذر بـايجان باهـاريم سـان يـازيــم ســان
آتـام سنـسـن آنـام سنـسـن نـازيــم ســان
گونول لرده ،سوزدانــيشان ســازيــم ســان
سـنسـيز اولمازياشـايـشيـن قايـداسي
چـاليـشـمـاغيـن الـشـمـاغين فايداسي
آذربايجان داماريمدا قانيم سان
جيگريم سن اورييم سن جانيم سان
شاهيم سنسن پاشام سنسن خانيم سان
قوربان اولسون سنه منيم وارليغيم
اولكه سئومك اولماز منيم آرليغيم
آذربايجان قلبيم سنه يانيو
مني گورن دلي اولموش سانيو
آشق بيلميين قرقي ندن قانيو
سنسسيز اولام هچ بيرزامان گوله مم
سنين ناكشين يورييمدن سيله مم
آذربايجان دده قورقوت بالاندي
شهرتيوي آغيزلارا سالاندي
بابك آدي تاريخلرده قالاندي
اوشاقلارين افتيخارلار يارالديپ
دوشما نيوين رنگي روفون سارالديپ
آذربايجان كوراوغلولار دوغوپسان
سارا خاتين چايلاريندا بوغوپسان
يابانجي لار بو يوردودان قوغوپسان
قوچاق نبي داغلاريندا دايانيپ
دوشمان لارين خام يوخودان اويانيپ
آذربايجان يورك قانه دولوپدي
چيچكلرين قارا باغدا سولوپدي
آراز بيزه بويوك ديوار اولوپدي
ائرمني لر اوزاق گوروپ بيزلري
اياق گئچيپ پك ير آليپ ديزلري
آذربايجان يوركده سوزقاليپدي
بو سوز مني درده بتر ساليپدي
فيكير منيم راحتيمي آليپدي
هاچاغ اولار گورم منده خوش گونو
ظولوم لردن سيتم لردن بوش گونو
آذربايجان يارالديپلار ايفتيخار
نسيمي لر فوضولي لر شهريار
واحيد اولدي كريمي يا اينتيظار
توركي ديلين جوهريني آليپ لار
آذر توركون آغيزلارا ساليپ لار
آذربايجان پاييز گئچر ياز گلر
ياس توكه نه ر قاوال گلر ساز گلر
شن ليك لره ايللر بويو آز گلر
بولوت گئچر اولدوز چيخار آي چيخار
بوز قوردلاردان بوائللرده هاي چيخار
آذربايجان بولاغ لارين چاي اولسون
گوگلريندن اولدوز اولسون آي اولسون
سويوق قيشين چيچكلنسين ياي اولسون
آذربايجان دومان اولسون داغ باشي
يورك سوزي : توركلرين ساغ باشي
بير چاي اولوپ داغلاريندان آخارام
گونش اولسام باغلاريوا باخارام
عشق اوخووي اورييمه تاخارام
آذربايجان ير يوردووا قوربانام
عشق اودووا ايسته ييرم من يانام
آذربايجان قافقاز سنين باشيندي
باكي گوزون توركيه قانداشيندي
اوزبك قزاق قرقيز دا قارداشيندي
توركمني تاتار يا آذراوغلي
هپسي باشدا توركلرين ار اوغلي
آذربايجان تورك اوغلويام قوخمارام
توركولره اورك دوستي جان يارام
سونونا دك بوقايدا دا من وارام
قوربان اولسون سنه منيم وارليغيم
اولكه سئومك اولماز منيم آرليغميم
آذربايجان كدر قوصه بيته جك
يابانجيلار بويوردودان گئدجك
دوشمانلارين هپسي بونو بيلجك
آذربايجان اولمز هله وار سسي
ان اسكي دن بورا توركون اولكه سي
somayehfaridi
3rd October 2012, 07:37 PM
کامانین گؤتؤرؤب گئدن آی اووچی
آمان دیر آلا گؤز جیرانا دیمه
یالتاخلایان تؤلکؤنی اؤلدؤر
غیرتله قیشقیران آسلانا دیمه
آغلاییر وطنیم هؤنکؤرؤر یامان
قلبینده یارا وار باشیندا دومان
توتِیدیم گؤلله نی دیییدیم دایان
بات سینه مه، آذربایجانا دیمه
پیمان هادی فرکوش
12th October 2012, 07:20 PM
قسمت هشتم:
آذربایجان دره لـــــــــــــرون داغلارون
باغچالارون نار هیـــــــــوالی باغلارون
نهره لرده آشیب داشــــــــان یاغلارون
اولیب گد ساخ بیزدنده بیـــــر یاد ایله
حق دونیادا روحیمیــــــــــزی شاد ایله
آذر بایجان منیم ســـــــوزوم قوتولماز
ایگیت لرون هیچ اولکـــه ده ییخیلماز
اصلا تهمت بیز ملتـــــــــــــه یاخیلماز
سنه جانیم قربان آی آنایــــــــــــوردی
قهرمانلار یوردی جوانلار یــــــــوردی
آذربایجان یوخدی سوزیــــــن یالانـی
سوز قوتولماز هله چوخــــدی قالانی
سو چوخ دولسا آخیــــــردا اوچالانی
آچیلاجاق بولبولـــــــــــــــرین قفســی
گله جکدی باغدان بولبولـــــر سسی
آذربایجان ســـــــــــولار آخار دره ده
قویون قوزی گــــدر اوتلار ســره ده
گورچینلر اوتــــــــــوراللار هــــره ده
هردن قالخیب قاناد ویــریب اوچاللار
بولوتلار اوستینــــــــــده قاناد آچاللار
آذربایجان سنون دریـــون درین دی
بلاخلارون هر طرفـــــــده ســـریندی
بویکلرون آزادلیقا برینــــــــــــــــدی
اوره کلری بیر بیرینه یتیـــــــره ک
خوش گونلری بواولکیه گتیـــره ک
آذربایجان گوی سسلنسین سبــــــلان
یوخدی سنون قدره تـــــوه تاب آلان
داهی سندن باج آلانمـــــاز باج آلان
اوجا داغلار سنه کولگـــــه سالیبدی
شاعیر لرون سندن الهام آلیبــــــدی
آذربایجان گون گچر آخشام گلـــــــر
قاری ننه سحرینه اون الـــــــــــــــر
ایگیتلرون حق یولوندا سسله نــــــر
اوندا گوردون بهار گلیب باغــــدادی
کونول قوشی سیلدیریملـــی داغدادی
آذربایجان گجه گدر گــــــون چیخار
سرین سولار چشمه لــروندن آخار
باغلاروندا آلمـا چیخار نار چیخــار
عجله یوخ صبـــــرینـن هالوا پیشر
اوره گووین آرزیــــــــلاری یتیشــر
آذربایجان سوزلر ســوزی گتیـــــرر
ایگیتلرون اکتیکلریــــــــن بیتیـــــرر
آخیر سنـی نیتوه یتیــــــــــــــــــــرر
قیش سوویشار باهار گلــرگول آچار
بولبولرون گوللر اوستــــه دیل آچار
آذربایجان قافلانکــــــــــــودان اویانا
یایلانیبدور بیزیم اولکـــــــــــه میانا
گدنمیرم هیچ چوخدانـــــــــدی اویانا
گونیمیزده گچه کیمیـــــــــــن قارالیر
گون گشتیهجن دونیا بیـــــزه دارالیر
آذربایجان محمودینین ســــــوزلـری
روحی گزیر دره لری دوز لــــــری
اولیب گدساخ هلال ایله بیزلــــــری
وفالییخ ال وره ریک الـــــــــــووه
اوزگه بولبول قونا بیلمز گولـــووه
پیمان هادی فرکوش
12th October 2012, 07:29 PM
پايان
استفاده از تمامی مطالب سایت تنها با ذکر منبع آن به نام سایت علمی نخبگان جوان و ذکر آدرس سایت مجاز است
استفاده از نام و برند نخبگان جوان به هر نحو توسط سایر سایت ها ممنوع بوده و پیگرد قانونی دارد
vBulletin® v4.2.5, Copyright ©2000-2025, Jelsoft Enterprises Ltd.